Konspirative Methoden

Wie de Berns Toni heit Morjet ufgstann is, hot e Kuvert uf'm Kichetisch gelee. Do war sei Adress druf, die Adress vum Absender (e Verlag, ohne Nome vun're Person) un de Aufdruck STREIFBANDZEITUNG. Na ja, hot er sich gedenkt, wedder mol so e Werbezeitung. Eerscht am Sunntachmorjet hot e BILD als Werbeexemplar in seim Postkaste gelee. Die hot er nateerlich so richtich zum Kaffee genoss, weil do immer scheene Weiwer drin sin.

Jetz hot er awwer es eerscht mol des Kuvert leije geloss un gschaut, was so alles uf dem Arwetzettel steht, dee wu sei Fraa ehm fast jede Morjet hinnerlosst, wann se uf die Arwet geht. Wann jemmand moont, dass de Berns Toni morjets faulenze kann, wann er Nammittachsschicht hot, no teischt er sich awwer gewaltich. So hot er aah heit Morjet es eerscht gewissenhaft erledicht - manchesmol flucht er aah dabei -, was uf dem Zettel onbefohl war, no is'r in de Keller gang un hot e paar Märsch geprobt, weil er mit der Audi Bläserphilharmonie de Samstach bei der Einweihung vum Audi Sportpark in Ingolstadtt blose muss, un eerscht no hot er sich Zeit gholl un des Kuvert ufgemach.

Wirklich, e Werbeexemplar vun're Zeidung aus'm süddeutsche Raum. Scheen ausnanner mache, langsam dorchbläddre un es eerscht mol die Title lese, is beim Berns Toni e johrzehntealti Routine. Intressant, do werr ich dee oone odder annre Artikel in de nächste Täch bestimmt lese, hot er sich gedenkt un nomol umgebläddert. Do hun zwaa weiße Zeddle zwischen de Seide gelee. Aha, die Werbetexte. Weit gfehlt! Un do hot'er gschaut, de Berns Toni. Des ware zwaa Kopiee aus'me Buch.

Die oon Kopie war's Titelblat: Mihai Pelin - Opisul emigraţiei politice - DESTINE în 1222 de fişe alcătuite pe baza dosarelor din arhivele Securităţii. Des Buch is 2002 im Compania Verlag Bukarest erschien.

Des annre Blaad war e Kopie vun der Seit 320. Ooni vun dee Lebensskizzen, die wu uf der Seid abgedruckt sin, werr ich jetz do ganz ziteere un zwar aus dem Grund, weil jemmand vun der Zeidung in der Korzbiografie etwas griin markeert hot.

Totok, William. Născut la 21 aprilie 1951 în comuna Comloşu Mare, judeţul Timiş. Scriitor. Din fişa sa personală, redactată la 18 noiembrie 1975, rezultă că în perioada 8 martie 1974 - 22 septembrie 1975 a făcut parte din reţeaua informativă a organelor de Securitate (ASRI, fond D, dosar 10947, vol. 6, f. 27). În ianuarie 1975, din cauza atitudinilor sale protestatare, a fost reţinut temporar pentru o anchetă care s-a încheiat indecis. În februarie 1977 a aderat la principiile Cartei '77. Un document al Securităţii din 6 iunie 1985 menţiona: "William Totok, schriitor, epurat din funcţia de ziarist pentru conceperea unor scrieri literare cu conţinut duşmănos, exprimarea unor concepţii ostile, în special faţă de condiţia naţionalităţii germane din ţara noastră şi faţă de libertatea de creaţie. A avut rol de conducere în cadrul cenaclului Adam Müller Guttenbrunn, de unde a demisionat. Este lucrat pe linia problemei naţionalişti-fascişti germani." Ulterior, scriitorul a reuşit să plece din ţară, fiind angajat la postul de radio Deutsche Welle din Köln. Emisiunile sale deranjau autorităţile de la Bucureşti, aşa încît, la 30 noiembrie 1988, Securitatea a declanşat o acţiune de identificare a rudelor sale din România, apreciind că ele îi vor putea tempera virulenţa. În aprilie 1989 a semnat un apel colectiv pentru liberalizarea vieţii culturale din România. După evenimentele din Decembrie 1989 a fost prezent constant în presa din ţară. Volumul său intitulat Constrîngerea memoriei a apărut recent la Editura Polirom.

Jetz hot'er do gsitzt, de Berns Toni, un hot nohgedenckt. Awwer net iwer so grammatikalisch falsche Formuleerunge wie pe linia problemei naţionalişti-fascişti germani, sondern iwer ganz was annres. Forrwas hot die Person vun der Zeidung aus Süddeutschland - es is net die BANATER POST, wann vleicht jemand an die denke sellt - grad mer des zugschickt. Des erinnert mich so e bissje an die Kassette im Postkaste vun der Herta Müller. Uff, sin ich stolz: Jetz sin ich uf'm beste Wech, prominent zu werre.

Will die Person de Berns Toni norr dezu missbrauche, um der Welt zu soon, schaut her, de Totok war aah es eerscht e Spitzel un eerscht noher e Dissident. Awwer des werd net funktioneere, weil de Berns Toni werd des nimmand weider verzähle. Der kann still sein wie e Grab.

Odder hot die betreffend Person - es soll nimmand moone, de Berns Toni kann net oons un oons zammzähle, un kennt net die betreffend Zeitungsperson - ka Kurasch, forr selwer mit so ooner Entdeckung an die Öffentlichkeit zu gehn? Soll so e Verhalte norr etwas mit Ängste zu ton hun, odder is es Feigheit, odder hot die Person vleicht selwer Dreck am Stecke?

De Berns Toni is uff jede Fall ganz happy. Des konspirative Vorgehn vun der Zeidungsperson macht'm echti Gänsehaut. Uff, wie toll! Die Banater Doktor Sorges losse grieße. Ich moon ich schreib e Roman, hot er sich bei der Gschicht heit Morjet gedenkt. Des muss awwer etwas vill Spannenderes werre, wie alles, was Leit wie Müller, Wagner, Lippet usw. jemols gschrieb hun. Awwer heit fangt er noch net on damit, weil jetz muss er in die Audi ans Band. Bei Temperature iwer 30° C ist des aah ganz spannend. Do kann's bei zu wenich Wasser sogar um Lewe un Tod gehn, iwerhaupt bei dee, die wu newrem Wasser noch e paar Flasche Bier verschwitze misse.

Berns Toni