- gedicht im johrmarker dialekt -
mach die aue zu
un fang on zu schaue
dee bilder
kannst immer traue
die gasse sin
noch kerzegrad
vum kercheturm
hot’s mittach gschlaa
es wasser plätschert
am große brunne
ball misse die schwalme
un storke kumme
die schießbeem im park
sin schun griin
ich hun de hansi
es lenche bussle gsiehn
des sin bilder
die wu nie verbrenne
merr muss norr
die aue zumache känne
uf der schanz, 2018
Keine Kommentare:
Kommentar veröffentlichen