Weihnachtsboom schaue – gebt’s bei uns net

Es Telefon hot in der zwatt Novemberhälft geklingelt. Mei Fraa hot abghob … und gsaat, des wär forr mich. Am annre Enn vun der Leitung war e Fraa vum DONAUKURIER: Ingrid S.. Ich hun höflich gfroot, um was es dann geht, un war ganz scheen iwerrascht, wie die Fraa plötzlich einwandfrei jormarkrisch geredd hot. Mich hot ab sofort nemmi intresseert, was die Ongstellt vun der Zeidung vun mer will, sonder in eerschter Reih wer se iwerhaupt is. Sie hot mer gsaat, wie se mit ehrem Mädchenome ghaaß hot, ehre Spitznome – „Ich sin em Lieschuster sei Tochter.“ -, wu se in Johrmark gewohnt hot, dass se in der Paralellklass vun meiner Schwester war un mit meim Schwor mitzamm sogar Phetter un God bei ooner Kindtaaf war. Un dass sie schun seit langer Zeit bei der Ingolstädter Tageszeidung arwet. Ja, un dass se die Kusinin vum Iwerlänner Pheder is, der wu schun in meiner Stroß gewohnt hot, wie ich noch gar net in Deitschland war. Wie mer asso gewisst hun, wer mit wemm do redd, is es an die Sach gang. De Chrisboom. E Redakteerin soll forr die Weihnachtszeit e Sonderseit mache mit dem Thema „Christbaumschauen“ un eens, es Ingrid, hot sich gedenkt, ich wisst vleicht etwas zu dem Thema noch aus unsrer Johrmarker Zeit. Weil ich mich gschmoichelt gfielt hun, hun ich nateerlich gsaat, dass ich mit der Fraa redde werr. Un’s Ingrid hot mich glei verbunn.

Die Redakteerin hot vun mer eigentlich wisse wolle, ob mer de Brauch do aah an Weihnachte pflege un wie des drunne gemach is wor. Aha. Ich hun glei gspannt, dass des e richtichi Themaverfehlung is. Ich hun die freindlich Redakteerin aah net lang im Unklore geloss un ehr gsaat, dass es die Tradition bei uns im Banat, asso zumindest in Johrmark, gar net gewwe hot un dass mer so etwas aah vun do aus Ingolstadt net kenne. Awwer ich hun mer gedenkt, wannst jetz schun jemmand am Apperat host, der wu neigeerich is – gude Journaliste sin des vun Natur aus -, noo verzählst der halt wie’s bei uns an Weihnachte un Neijohr war: Mette um Mitternaacht, Blechmusik im Kercheturm, Godesachaustroon, Neijohrspille vun de Musikante in der Silvesternaacht un an Neijohr Winschegehn. Ich hun mich noch entschullicht, dass ich ehr vum „Christbaumschauen“ leider nicks verzähle kann, un er noch gerot, doch mol im Banader Seniorezentrum in der Beiserstroß ninzuschaue. Vleicht wohnt dort jemand aus’m Banat, in dem seim Dorf wu merr de Brauch gekennt hot.

Die freindlich Redakteerin hot sich bedankt, mer noch e scheeni Zeit gewunsch un abgeleet. Forr mich war des Thema abgschloss … hun ich gemoont. Wie ich zrick in’s Wohnzimmer kumm sin, war mei Tochter do. Die hot e Hiesiche als Mann. Ich hun er nateerlich sofort vun dem Onruf verzählt – wie gsaat, aah weil ich mich gschmoichelt gfielt hun – un war net wenich iwerrascht, wie ich gheert hun, dass es des „Christbaumschauen“ in seiner bayrisch Familie heit noch gebt un ehns schun äfter mit dabei war. Am Heiliche Owed geen se in der Regel zu Verwandte un schaue dee ehre Chrisboom on. Nateerlich gebt’s noo aah immer etwas Gudes zu verkoste un forr die Männer e gude Schluck zum Ufwärme. Mei Tochter hot noch gemoont, dass des awwer e zimlich stressichi Gschicht is.

Wie aah immer, es gebt dee Brauch in Ingolstadt un seim Umland anscheinend noch. Awwer wahrscheinlich sehr selten, weil die Sonderseit vun der Zeidung hot heit Morjet im Postkaste gelee un vum  „Christbaumschauen“ - do odder im Banat – steht nicks drin. E Weihnachtsboom steht trotzdem aah in unsrem Wohnzimmer un aah ohne alte bayrische Brauch werre ne genuch Leit onschaue kumme. Ich hoff, dass des bei eich aah so sein werd un winsch eich e gesegnetes Weihnachtsfest un e gude Rutsch ins neie Johr.

Frohe Weihnachten! & Ein guter Rutsch ins neue Jahr!

Crăciun fericit! & La mulți ani fericiți!

Berns Toni

Anton Potche

Anton Delagiarmata