Nochberschaft

Die Leit in der Nochberschaft hun sich in Johrmark gholf beim Hausbaue, sin im Winter in die Spinnstub gang, die Männer hun Karte gspillt, die alte Weiwer hun vor ‘m Haus uf ‘m Bänkelche gsitzt un in der Fasching hot ‘s sogar Nochberschaftsbäler gewwe. Awwer „Nachbarschaftsobmänner“? Des hun ich eerscht jetz in der BANATER DEUTSCHE ZEITUNG vum 23. Jäner 1926 geles.

Dass es so dorchorganiseerte „Nachbarschaften“ in Siebenbürgen bei de Sachse gewwe hot, hun ich do in Deitschland schun gheert. Es muss jo etwas an der Gschicht dron sin, sunst hätt die Zeidung des doch net gschrieb. Selmols hot ‘s doch noch ka Fake News gewwe. Der Artikel is korz un bindich: „Neuwahlen der Nachbarschaftsobmänner in der deutsch-schwäbischen Ortsgemeinschaft Jahrmarkt. In unserer deutsch-schwäbischen Ortsgemeinschaft Jahrmarkt wurden die Neuwahlen der Nachbarschaftsobmänner vorgenommen, welche folgendes Ergebnis hatten: Johann Eichinger 16, Johann Mathis 131, Michael Eckert 55, Ignaz Krämer 69, Michael Heidecker 87, Josef Kolleth 268, Johann Ebner 154, Ferdinand Nebel 168, Johann Lux 244, Johann Wagner 296, Ferdinand Loris 283, Nikolaus Fiak 312, Christoph Schmidt 330, Matthias Mathis 340, Johann Kaßnel 365, Nikolaus Mayer …, Georg Staß 449, Josef Schneider 297, Georg Roßner 431, Michael Berger 410, Nikolaus Wildau 570, Johann Wagner 539, Matthias Wagner 534, Peter Loris 623, Franz Wagner 636, Johann Bosch 683, Adam Ferch 667, Jakob Schmidt 735, Johann Jost 754.“

So, wer Lust hot, kann se jetz scheen noh de Stimmezahl inordnete, die Johrmarker Nochberschaftsobmänner. Entwedder der mit de meiste Stimme war de beliebtest Obmann in Johrmark odder er hat e greeßri Nochberschaft ghat.

Berns Toni